Pano trafik dan moris

Nou bann sime servi par boukou dimounn - sofer, motosiklis, siklis, pieton e dimounn lor seval. Sak group servi enn diferan kalite transpor ki determinn zot vites, sekirite ek limit lor sime. Si pa ti ena Kod Delarout, ti pou ena dezord parski tou dimounn ti pou lib pou fer saki zot anvi e sa ti pou sirman amenn bann aksidan ek konzesion partou.

Erezman ena bann regleman pou gouvern kuma bizin konport nou lor larout piblik dan Moris pou fasilit transpor. Eski ou kapav mazine kuma sa ti pou danzere si pa ti ena okenn regleman? Mem avek sa bann lalwa-la ena enkor sofer fou lor larout ki koz lamor souvan aster si pa ti ena ditou lalwa, boukou plis dimoun ti pou perdi lavi.

Pano Trafik

Bann pano trafik bien inportan dan Kod delarout e nou gagn lokazion trouv boukou kan nou lor sime deor. Mem bann dimounn ki zame finn pas test kondir kone ki vedir No Entry e ena parmi zot ki mem rekonet bann sign "No Right/Left" osi. Mai enn pli gran konesans lor bann pano neseser si ou anvi gagn enn permi kondir e ou bizin aprann sinifikasion sak pano pou ed ou pas test oral e pa fer aksidan kan ou pe kondir apre.

Kourb drwat danzere

Larout diminie lor kote drwat

Larout glise

Danze devan

Konzesion

Fer atension siklis

Fer atansion bann pieton

Kourb danzere, drwat avan apre gos

Bann serf pe traverse devan

Sime obligatwar pou pieton

Lafin larout bisiklet ki obligatwar

Larout seval obligatwar

Pas a drwat

Obligatwar pou tourn adrwat

Kontign drwat devan

Limit vites 60Km/h

Bisiklet interdi

Pieton interdi

Saki depas 4.8 tonn lor enn lax pena drwa

Saki depas 3.1m oter pena drwa

Veikil marsandiz interdi

Bann regleman lor sime

Zafer ki important kan ou lor larout: pou enn pieton, se get gos, drwat ek ankor gos avan traverse, pou bann motosiklis met bann veste floresan kan zot pe roule aswar e pou bann sofer pa rant dan bwat lakrwaze zonn amwin ki zot pe tourn a drwat e ki bann trafik ki pe vini pe blok zot. Sa pa dan okenn fason enn lalis konpreansif lor saki ou gagn drwa fer ek saki pa bizin fer me sa se zis pou montre kuma ena diferan regleman pou sak itilizater larout e kuma sa konaisans-la pou ogment ou sekirite ek lezot dimounn.

Konpran bann sinyal trafik ki bann sofer ek lapolis done

Enn lebra drwat ki pe anpandan andeor siez sofer enn loto indike ki sofer-la anvi vir a drwat. Pareyman ena lezot sign pou tourn a gos e pou averti lezot ki ou ena lintansion arete. Anplis, bann ofisier lapolis kapav servi bann signal lame pou diriz sirkilasion sirtou dan bann landrwa kot ena konzesion (boukou sirkilasion) uswa kan ena enn aksidan. Ou bizin kapav konpran sa bann zes lame-la e azir dapre direksion ou finn gagner.

Pran kont: Sa se zis enn grosomodo e ou pou aprann lalis konple Kod Delarout ki aplikab pou Moris atraver bann diferan leson e kwiz kan ou inskrir ou lor nou Kour Test Kondir Oral en Kreol ki nou finn lanse pou morisien.